Amerkida doxtur bolush

Memet Emin 

Amérikida Tébbiy Mektep (Medical School) da oqush üchün ottura mektepni püttürgendin kéyin aldi bilen 4 yilliq uniwérsitétni püttürüp bakalawirliq unwani élishi kérek. Adette melum kesipni oqughan oqughuchi andin tébbiy mektepke kireleydu deydighan éniq belgilime bolmisimu, biraq, tébbiy mektepke kirmekchi bolghan oqughuchilar kem dégende choqum tebii pende oqughan bolushi kérek, undin bashqa méditsina bilen munasiwetlik penlerde yeni biologiye, ximiye, bioximiye, mikrobiologiye qatarliq penlerde oqughan oqughuchilarning tébbiy mektepke kirish éhtimalliqi yuqiri bolidu. Shundaqla uniwérsitétni püttürgen netijisi alahide yaxshi bolush kérek, mektipi yaki oqutquchisi körsitishi kérek.

Amérikida Tébbiy Mektep (Medical School) adette 4 yilliq bolup, bashta oqughan 4 yilni qoshqanda, doxturluq mektepni püttürüp chiqish üchün jemi 8 yil waqit kétidu. Oqush püttürüp chiqqanlar biwasite doktorluq yeni MD (Doctor of Medicine, 医学博士) unwani alidu. Shunga Amérikida tébbiy mektepning bakalawrliq, magistérliq unwani yoq. Tébbiy Mektepte oqup chiqsila PhD bilen barawer bolghan dokturluq unwani alidu. Tébbiy Mektepni püttürgen oqughuchilar oqush püttürgendin kéyin Amérikida bir tutash élinidighan USMLE (United States Medical License Examination, 美国医生执照考试) dep atilidighan imtihanni bérip, yaxshi netijige érishkendin kéyin, birer doxturxana tépip, 3 yildin 4 yilghiche balinist doxturi (residency, 住院医生) bolup ishligendin kéyin, andin resmiy doxtur bolup, musteqil xizmet qilalaydu.

Amérikida aliy mektepni püttürgenlerge meyli qaysi kesipte oqughan bolsun bir tutash xizmet teqsimati qilinmaydu, xizmetni pütünley ozi tapidu. Doxturluq mektipini püttürgenlermu balinist doxturi (residency, 住院医) bolush üchün USMLE dégen imtihandin yaxshi netijige iriship, doxturxanini özi tépishi kérek, bolmisa doxturluq mektipini oqup püttürgen bilen doxtur bolalamaydu.

Amérikida tébbiy mektepni püttürgenler yene oqumaqchi bolsa, doxturluq bilen munasiwetlik birer kespni tallap yene 5 yil etirapida oqusa PhD unwani alidu. Bu chagha bu oqughuchi qosh doktorluq unwani yeni MD, PhD bolup chiqidu. Bundaqlar köpinche hallarda kelgüside doxturluq qilishni emes, belki tetqiqat bilen yaki tébbiy mekteplerde oqutquchiliq bilen shughullinishni meqset qilghanlar hésablinidu.

Amérika Junggo qatarliq nurghun döletlerning Tébbiy Mekteplirini toluq étirap qilidighan bolup, u mekteplerde oqughan oqughuchilarnimu oxshashla doktor yeni MD (Doctor of Medicine, 医学博士) dep tonuydu. Chet elde tébbiy mektepni püttürgen oqughuchilar eger Amérikigha kélip doxtur bolmaqchi bolsa tamamen mumkin. Biraq, shert yuqirida dep ötkendek Amérikida tébbiy mektepni püttürgen oqughichilargha oxshash USMLE dégen imtihandin ötüp yaxshi netijige érishishi we doxturxana tépip 3 yildin 4 yil balinist doxturi (residency, 住院医生) bolushi kérek. Eger shundaq qilalisa oxshashla doxtur bolalaydu.

Junggoda, Hindistanda, Pakistanda we bashqa munasiwetlik döletlerde tébbiy mektepni püttürgen köpligen oqughuchilar, Amérikida qayta tébbiy mektepte oqumayla esli dölettiki diplom bilen doxtur bolup ishlimekte.

Eger siz Jonggoda we yaki bashqa dowletlerde Tibbi Mektepte oqughan bolsingiz, Amerkigha kilip doxtur bolushingiz tamamen mumkin. Uningliq uchun siz aldi bilen Engilizche otkeldin otushingiz kirek, andin qalsa yuqurda digendek USMLE digen imtahandin otup yaxshi netijige irishishingiz kirek.

Towendiki ulanmilargha kirsingiz, bu jehettiki uchurlargha irisheleysiz.

United States Medical Licensing Examination
http://www.usmle.org/

http://www.kaptest.com/Medical-Licensing/index.html
http://www.usmleworld.com/
http://www.usmleforum.com/

Towendiki tor betidin USMLE gha teyyarliq qilidighan materyallarni tapalaysiz

http://www.verycd.com/search/folders/USMLE
http://www.verycd.com/topics/148661/